UN LLABOR DIPLOMÁTICU NUN ESPACIU SOSTENIBLE

                                                              

CUENTEN que na dómina d'Alfonso II, el Reinu d'Asturies tuvo relaciones diplomátiques al más altu nivel col Sacru Imperiu Romanu-Xermánicu de Carlomagno, teniendo Asturies un papel relevante dientro de los distintos territorios de la cristiandá na Alta Edá Media. D'entós p'acá, el papel d'Asturies foi pasu ente pasu perdiendo pesu políticu y, quitando delles celebridaes que la Divina Providencia mos pudiera regalar en casu de qu' Ésta tuviera de buenes, como foi  Xovellanos, tuvieron que pasar sieglos pa que'l Señor Don Dios mos regalare otru personaxe al altor del Rei Castu o de "Xovino". 

El fechu de qu'Asturies nun tuviera pesu políticu dientro d'España y menos n'Europa, nun quier dicir que'l nuestru País nun fuera conocíu dientro y fuera del nuestru contestu. Día sí y día tamién atopamos declaraciones de persones bien conocíes y  anónimes que sí falen d'Asturies: "Asturias es muy bonita"; "Los asturianos son simpáticos y amables", "En Asturies se come muy bien" o "Cachopos y sidriña", son dellos exemplos de qu'Asturies, anque estalagá no político, sigue tando viva nel imaxinariu colectivu. A ello  contribúi'l llabor del periodismu d'investigación conociu tamién como "Madreña Connection" onde nengún personaxe conocíu a nivel mundial quede ensin venceyar con "La Tierrina" o "La Región"

Tando Don Dios desesperáu al ver a La Ciudá de Cuentu en manes d' El Tridente, decatóse nun puntu concretu de la mesma, ello ye, en L' Atalaya y ellí,  vio un bon xestor que gobernaba aquella parcela con mano dura y guante de pana fino: Don Wifredo. El problema del Altísimu yera cómo sacar a Don Wifredo d'eso qu'agora se llama zona de confor y asina regala-yos a los moradores de La Ciudá de Cuentu y tamién del País un personaxe que tea'l nivel d'aquel Soberanu que tuvo relaciones diplomátiques con Carlomagno. A Don Dios nun-y gusta eso de metese en política y  pa ello tiró de Santa Marta, patrona de la hostelería. Mandó-y a la santa en custión, hermanina de María y de Llázaro, el primer zombi de la historia, que se-y presentara a Don Wifredo en suaños y, de pasu, envizcalu a lliderar una cruzada contra'l Tridente y volver a poner a La Ciudá de Cuentu en manes de "los bonos". Pa detrás, la fama de Don Wifredo trescombó'l cordal y llegó a oyíos del Socampeón d'España de Llanzamientu, versión cuspidora, de Güesos d'Aceituna, daquella, Secretariu Xeneral del Partíu.  Don Wifredo, enllenu de duldes y  dempués de consultalo cola que sería la Primera Dama, roceana a too tipu de protagonismu, dixo que sí; presentóse a unes elecciones y ganóles, en parte gracies a esa Divina Providencia. 

La primer midida que tomó Don Wifredo foi dir a la Capital del Reinu  pa promocionar la Fiesta del Armisticiu: fabes con cóngaru, fégadu encebollao y casadielles. Daquella él  y La Primera Dama,  con unes cuantes caxes de sospiros fechos por ella, según la receta d'aquella señorina que trabayó en casa d'ellos y "hablaba el bable de verdad, el auténtico, no ese de laboratorio de la Academia" y col gabitu del fíu qu'anda neso d' "Españoles pel Mundu", punxéronse en contactu hasta col embaxador de toles Rusies y, Don Wifredo y Señora convidaron a la flor y nata de la sociedá madrilana al menú del Armisticiu, teniendo la Primera Dama una axenda paralela cola muyer del embaxador de toles Rusies pa facer coses propies de primeres dames.  

La midida salió bien, magar qu'a Don Wifredo-y abultó un trabayu duru pa facer ún solu,  asina que bien aína foi creando un CONSEYU DE SABIOS compuestu pol Sr. Pindio-Chaquetía, teniente alcalde; Guadalupe, conceyala de Fiestes, Desfiles, Cabalgates, Decoración Navidiega y Desagospios de xente indeseable; el Delegáu de Dios en La Ciudá de Cuentu; Al-Mierda, representante d'HOSTELERÍA MIAGONA D'ASTURIES; Sabela de Vitoria, escritora, periodista, tufa y de dereches, que fadrá llabores d'asesoramientu históricu y, Don Baltasar Cerulleda, la cabera incorporación, como conceyal de "L'Amable Oposición", al pesar de la rocea y los celos mal xestionaos del Delegáu de Dios y del Señor Pindio-Chaquetía, porque según ellos, Don Wifredo cuenta menos con ellos dende que Don Baltasar entró dientro del Conseyu. 

Llantar el Trapolexu y quitar los bancos de colorinos na Plaza'l Panchón; recuperar la Selmana Santa; poner un horru gallegu en Villa Pelotazu; Xornaes d'esaltación patriótica del Trapolexu;  da-y puxu al Armisticiu; producir la película  "La Vía Pelegrina" onde Don Wifredo fadría de Rei Castu;  llograr que La Ciudá de Cuentu seya Capital Mundial de la Navidá y los viaxes a la Capital del Reinu pa promocionala a nivel mundial na Feria Turística con auténticos despliegues de capital humanu, contando pa ello cola collaboración d'HOSTELERÍA MIAGONA, S.A. y de la COFRADÍA DE LOS MANGANTES, son una bona amuesa del llabor d'espardimientu de Don Wifredo. 

La fama de Don Wifredo como gran xestor sigue trespasando les fronteres del País y aportó a La Ciutat del Caloret, onde taba acabante crease una Comissió diplomática compuesta por doce falleres de bona familia, que dexaron los estudios y trabayos, llantaron les sayes, mantielles, camises, sustiyos,  moños y peñetes, pa dedicase en cuerpu y alma al llabor d'espardimientu del eventu festivu basáu en lluz, calor, povisa y marafundiu de cuartos.  La Comissió Fallera del Caloret, conocedora del llabor de Don Wifredo, bien aína se punxo en contactu colos Servicios Diplomáticos de La Ciudá de Cuentu col fin de dar a conocer esta fiesta y entamar relaciones diplomátiques al más altu nivel. Pa ello, el Conseyu de Sabios de Don Wifredo axuntóse nel reserváu la  cafetería de siempre pa tomar el café colos sospiros fechos pola Primera Dama

DON WIFREDO: Como sabéis, este fin de semana viene una embajada de la Ciutat del Caloret para dar a conocer su Festa Major del Foc y así entablar relaciones diplomáticas con vistas a futuros intercambios culturales y urbanísticos. Entonces, yo había pensado en hacerles un recibimiento cómo se merecen. 

DELEGÁU DE DIOS: Podríamos celebrar una Santa Misa y preparar un sermón de esos que hago en la Santa Cavierna y de paso hacer una semblanza de la Terra del Caloret, tierra de grandes políticos, como Ricardo Picaplana, al que la Divina Providencia ha querido que siga en este mundo curándole de una enfermedad del que estaba totalmente deshauciado y  Lola Camionet, que a pesar de sus pequeñas faltas y algún exceso que tuvo,  fue una gran alcaldesa y Dios, nuestro Señor, habrá sabido acogerla en su seno. 

GUADALUPE:  Yo podía recibirla con el traje de asturiana que me hizo mi güela por si me nombraban reina de las fiestas de L'Atalaya o de La Ciudá de Cuentu, pero me sirve igual para este tipo de eventos y, además, podíamos recibirlos con unos voladores.  Voladores, no, una máscletá, cómo lo llaman allí y además,   a imagen del Alcalde Karaminga, podríamos  hacerlo en un espacio natural como es El Champán d'El Cañuilu, para cerrarles la boca a los de la oposición, con perdón de Baltasar Cerulleda, aquí presente, que siempre se quejan de que solamente hacemos actividades en el centro.

PRIMERA DAMA: ¿Qué es eso del Champán d'El Cañuilu"? Eso me suena a que no se puede llevar vestido y mucho menos, tacones. ¿Entonces qué voy, de chándar?

BALTASAR CERULLEDA: En el Champán del Cañuilu no me parece buena idea hacer una mascletá. Me parece que es un sitio de protección ambiental y además es un lugar de avistamiento de aves. 

Darréu de falar Baltasar Cerulleda,  representante de l'Amable Oposición,  la cara del Delegáu de Dios púnxose colorada como un pitón y, cómo si fuera a echar espluma pela boca llantó-y al Sr Cerulleda, de mui males maneres, y mui impropio d'un Sr, Mitráu. "Claro, si se trata de un alimoche, cuervo, gorrión o buitre, tenemos que andar con mucho cuidado no se vayan a estresar las pobres aves. Eso sí, si hablamos de la vida de un niño en el vientre de la madre, no nos falta tiempo a imponerle a su madre que aborte". La tensión yera bultable y la Primera Dama llamó a la calma dándo-y a comer un suspiru de los qu'ella fai y que deprendiera d'aquella señorina que tuvieron en casa y que "hablaba el bable de verdad, el auténtico, no ese bable prefabricado de la Academia". El Delegáu de Dios en La Ciudá de Cuentu garró'l sospiru, moyólu nel café con lleche doble que pidiera, y namás metelu na boca, quiciabes pola mala hostia que trayía, terminó empapizándose y dempués d'un cachu tenía la cara como si fuera de PODEMOS. Menos mal que too quedó nun sustu y, qué cosa, el mesmu Baltasar Cerulleda, gracies a los conocimientos médicos que-y queden,  foi'l que-y fixo la maniobra de Heimlich. El  Delegáu echó'l cachu suspiru pela boca y  desempapizóse. Eso sí, el Sr. Preláu nun gorgutó más y nin siquiera-y dio les gracies al conceyal de l'Amable Oposición.

L' escenariu del Champán del Cañuilu diba perdiendo posibilidaes, más que nada por problemes de loxística. De mano, la Primera Dama yera roceana a dir porque nun sabía qué ropa llevar y pa detrás, si taba de llover, les embaxadores falleres podíen dexar la ropa y los zapatos fechos un zaque y pa detrás, había que carretar delles coses a llombu polo qu'al final la idea quedó dafechamente descartada. 

Darréu intervién el Sr Pindio y apurre la solución: ¿Y por qué no en LA FABE?

Quedó tol mundu en silenciu. LA FABE ye un parque-retonda concebíu como nuevu espaciu que da la bienllegada a los conductores qu'aporten a La Ciudá de Cuentu. Un nuevu exemplu de sostenibilidá, ónde los intereses del peatón y del conductor  fúndense nun abrazu apertáu.  LA FABE ye un nuevu concéutu d'obra, de creación d'espacios públicos que pon a La Ciudá de Cuentu nel sieglu XXI y que tanto Don Wifredo, como Pindio-Chaquetía tienen tolos númberos pa pasar a la historia por ser los padres d'esti homenaxe a la sostenibilidá y al mediu ambiente. 

DON WIFREDO: Me parece una idea excelente, Pindio. Podemos hacer una inauguración oficial, hacer eso de la pólvora, entregarles las llaves de La Ciudá de Cuentu a la Comitiva Fallera y después una degustación popular de unas fabes y cachopo a cargo de HOSTELERÍA MIAGONA D'ASTURIES, S.A. rematando con una actuación musical

Trataríase entós d'una inauguración oficial d'un espaciu públicu nel que s'inxertaba l'Acreditación de Credenciales per parte de Don Wifredo, primera autoridá de La Ciudá de Cuentu pa  cola Comissió de Falleres de La Ciutat del Caloret, doce moces de bona familia qu'aparcaron estudios y trabayos pa promocionar un eventu festivu de lluz, color y marafundiu de cuartos,  amás d'intercambiu d'esperiencies culturales y urbanístiques, que según Pindio-Chaquetía, "mucho tenemos que copiar del urbanismo de la Ciutat del Caloret, especialmente de la obra de su santa alcaldesa, la señora Lola Camionet, ya fallecida, aunque la construcción de LA FABE, no desmerece nada".

L'actu d'INAUGURACIÓN-PRESENTACIÓN DE CREDENCIALES  sería de domingu pela mañana y, pa ello, tien de cellebrase  una misa mayor na Catedral oficiada pol Delegáu de Dios en La Ciudá de Cuentu; darréu, a la salida de misa,  la Banda  "Ciudad de Cuento" y  Os Apabardeixos tarán animando cola música y los bailles pa que llueu,  les embaxaes diplomátiques de les dos ciudaes, col Fidalgu a la cabeza, un personaxe vistíu de blanco y montáu a caballu, que da l'anuncia del Martes de Pegarata y qu'esti añu va tar representáu por un conocíu presentador de televisión, monten un desfile de La Santa Catedral hasta LA FABE, ónde namás llegar tendrá llugar la corta de la cinta inaugural por Don Wifredo y la Primera Dama; la bendición del recintu pol Delegáu de Dios en La Ciudá de Cuentu y l'intercambiu d'Acreditaciónes que remata cola entrega Les Llaves de la Ciudá de Cuentu y  con una mascletá n'homenaxe a esa Comissió Fallera compuesta por doce moces de bona familia que dexaron los estudios y trabayu pa promocionar la Festa Major del Foc. Habrá una degustación popular de fabes y cachopos de ración onde nun faltará la sidra, el vinu español y Agua del Caloret. L'actuación musical taría pendiente de confirmar ente Andy y Lucas o'l Duo Dinámico, anque la Primera Dama sigue apostando por Mocedades ensin éxitu.

De la que lo tienen too entamao, suena'l teléfonu de Don Wifredo, mira pal móvil y queda ablucáu cuando ve'l númberu rexistráu na pantalla, diz-y a La Primera Dama a la oreya"Es el  Soberano en persona"

Cola voz cimblante,  casi ensin salí-y del cuerpu y rayando no servil,  Don Wifredo contesta con "A sus pies, Majestad"

EL SOBERANU: Wifredo, sé que además de ser un gran gestor que no se mete en política, eres un gran español y llevas a tu Ciudad de Cuento y a nuestra bandera por dóndequiera que vayas y,  como premio y, bueno, también en parte gracies a la mi muyer que ye paisana tuya, hemos decidido que los actos del Día del Ejército tengan lugar en La Ciudad de Cuentu.

Don Wifredo quedó blancu como la ñeve, cortóse-y la respiración y nun atolenaba.

"Wifredo, Wifredo, ¿estás bien? Di algo ¡¡Un médico, un médico!!", dicía la Primera Dama.