UNA D'ESPÍES NATALIEGOS CON PARADA NUN BAR DE CARRETERA

DEMPUÉS DE LES MEYORES FIESTES y de LA XURA'L TRAPOLEXU, Don Wifredo y la Primera Dama marchen  un fin de selmana pa la vecina Galicia, p'asina garrar carrerina pal axitáu mes d'ochobre que-yos vien enriba, qu'ente L'Armisticiu y los Premios Soberana diben dexa-yos poco tiempu llibre y, pa detrás, La Ciudá de Cuentu nun tendría tiempu nin pa echar el pigazu  esi qu'entra dempués de comer nuna tarde d'eses con un aire les castañes de fondu porque habrá que se poner a preparar les navidaes y, como diximos una vez equí, la Lluz de L'Atalaya nun descansa y nesti casu ye menester convertir a La Ciudá de Cuentu en CAPITAL MUNDIAL DE LA NAVIDÁ. Poro, Don Wifredo y la Primera Dama aparte de dir a fartucase Á FESTA DO MARISCO d'O Grove,  fadrán llabores d'espionaxe navidiegu y xusto esi fin de selmana, ente muxones, muergos, andariques, amasueles, ostres y zamburiñes, aprovecharán y dirán a escondidielles a Vigo pa golifar la lluminaria de Nadal que lleva  puesta dende'l mes de xunetu. Ente renos, arbolonos, bolones de Navidá y estrelles d'oriente, La Primera Dama dirá retratando'l paisaxe nataliegu y,  asina, apuntar detalles pa enxertalos nes Navidaes de La Ciudá de Cuentu porque Don Wifredo quier otra vuelta que les lluces de La Ciudá de Cuentu se vean dende l'espaciu sideral  y  que  L'Axencia Espacial Española, Don Luis Carrero Blanco otra vuelta diga que les lluces navidiegues de La Ciudá de Cuentu se ven dende l'espaciu sideral . El mesmu Director de l'Axencia, según un rotativu de provincies, ta casáu cola ñeta d'una asturiana y entá ye a alcordase de les fabes d'espatarrar que-y facía la güelina d'ella, l'asturiana, cuándo tovía taben cortexando. 

 

Yá de la que volvíen pela autovía, fartucos de "cascareira" , colos deberes fechos y col envís de da-y una sospresa a la Primera Dama, que ye mui llambiona, Don Wifredo esvíase en Lourenzá pa parar na cafetería do "Rei das Tartas" y asina tomar un cachu tarta que tanto-y gusta a l'Alcaldesa Consorte.

   

Primera Dama:  ¿Quién lo diría? Para ser un sitio que bien podría confundirse con un bar de camioneros, me parece que tiene una clase y una decoración con mucho gusto 

Don Wifredo: Sé que te gusta este sitio y también las tartas que hacen aquí.   

Un camareru mozu, inespresivu y de poques palabres  ponía-yos un café col cachu tarta mentanto Don Wifredo y la Primera Dama amiraben clisaos pa les parés de la cafetería atacaes de retratos del  Rei das Tartas con famosos, que recordaben aquella escena  de la película de "Los Otros" cuando Nicole Kidman se punxo a restoliar y vio aquellos álbumes de retratos: O Rei das Tartas con Tip y Coll, con Rafaella Carrá, con Lina Morgan, col Reión, con Mayra Gómez Kemp, la Pantoja, Lola Flores, Ángel Cristo y Bárbara Rey, Camilo José Cela, Manuel Fraga...  

Primera Dama: A ver si nos reconocen y se saca una foto con nosotros",   

Don Wifredo contestó. "Mujer, o Rei das Tartas ya murió hace 30 años, pero bueno, igual su hijo sí nos reconoce y nos pide que saquemos una foto con él  . Vamos a hacernos los encontradizos", too ello mentanto Don Wifredo  se ponía en plan caderalgu a dar una llección maxistral y desplicaba qu' O Rei das Tartas  xunto con  O Rei Centolo fueron los dos monarques que la Ciudá de Mondoñedo apurrió a la dinastía de reis gallegos, polo que ye esto ye un sitiu mui importante. 

Don Wifredo: El más antiguo es Centolo, que vivió en una cueva por aquí cerca 

La primera Dama escuchaba clisada pa la llección d'historia gallega que-y taba dando l'home y pensaba pa sí "esti sabe más que de la de Asturias". De toles  formes, a l' Alcaldesa Consorte había una cosa que nun-y cuadraba, ello ye,  un rei con forma centollu que viviera nuna cueva nel interior de Galicia,  tenía mui poques posibilidaes de sobrevivir, a nun ser qu'esa cueva comunicara directamente cola mar, nesti casu con Viveiro.

 

Depués de tomar el café y les raciones de tarta, Don Wifredo entrugó-y al camareru por O Rei das Tartas II y, el camareru, d'apellíu Radetzki, según ponía la placa que tenía na camisa,  dixo nun tonu secu qu'agora nun podía atendelos, a lo que Don Wifredo retrucó "No sabe con quién está usté hablando. Somos el Alcalde y Señora de La Ciudá de Cuentu". El camareru encoyó los costazos y dixo ensin mirar pa ellos y  mentanto se dedicaba a otra cosa: "Unha prima de miña nái era concelleira de A Cidade do Conto", a lo que Don Wifredo bien llueu cayó na cuenta na identidá de la conceyala  díxo-y a la muyer: "¿Qué vamos a esperar, de tal palo..". 

Camareru tufu: Creo que foi concelleira da oposición e agora, según me dixo miña nai está a poñer orde dentro do seu partido cortando as cabezas de aquelos que non lle gustan. 

Dicho esto, por si nun-yos quedaba clara  a tan illustres clientes la identidá de  la prima de la madre'l camareru tufu y monosilábicu, que per un cachu desplicóse como un llibru abiertu, Don Wifredo pagó la cuenta de los cafés, los cachos de tarta, y de cuatro tartes de Mondoñedo     que mercara: una pal Delegáu de Dios en La Ciudá de Cuentu, otra pal conceyal de l'amable oposición, Don Baltasar Cerulleda; otra pa Dorián Buelga, a lo que la Primera Dama dixo que lo que menos-y facíen falta a Dorián yeren tartes y una cuarta, pa él y la Primera Dama. 

"Con tanta tarta, tanta recepción y tantos actos, nos vamos a poner como unos cebones, Wifredo", dixo la Primera Dama de la que pasaben A Ponte dos Santos. 

Primera Dama: Esta semana toca dieta porque luego, que si L'ARMISTICIU y los PREMIOS SOBERANA, aunque bueno... el pincheo en la recepción con los SOBERANOS en el HOTEL no es muy abundante que se diga." 

Ya de la que pasaben per A Caridá en dirección a  La Ciudá de Cuentu, Don Wifredo y la Primera Dama aparcaron l'axenda de más llueu pa centrase nes fiestes nataliegues, que pa eso fueron a Galicia. La cabeza de Don Wifredo yera un fervideru d'idees y diba desplicando-y a la Primera Dama parte de les propuestes que tendría pa LA CAPITAL MUNDIAL DE LA NAVIDÁ.

Don Wifredo: Vamos a poner cañones de nieve artificial en toda La Ciudá de Cuentu para cuando prenda el botón de las luces, empiece a nevar. Para ello ya digo a Pindio o al mismísimo Al-Mierda que llame a los del 5G para que lo llenen todo de nieve de eso de plástico que no enfría. Yo mismo intenté ponerme con la Agencia Espacial Española "Luis Carrero Blanco" y pregunté por la posibilidad de que se provocara una nevada en La Ciudá de Cuentu, pero me contestaron que no era viable.  

Al mesmu tiempu, siguía falando Don Wifredo de les xestiones cola Escuela Hogwarts de Maxa y Fechizos pa pidi-yos unes curuxes del Árticu. L'añu pasáu paeciera una rondando pela contorna'l Cabu Peñes y garráronla p'anunciar la cabalgata de Pá Nöel, pero a lo cabero, la curuxa esa del demoniu fixo migues con una neña qu'encantexó la Bruxa'l Botánicu que falaba'l bable y cuándo a la curuxa en custión-y tocaba baxar d'El Trapolexu a la moneca de Don Wifredo, la mui castroña trayía un papel amarráu na pata que ponía "¡¡OFICIALIDÁ!! y en dexándo-y el recáu, énte'l plasmu de Don Wifredo, la Primera Dama, Al Mierda, el Señor Pindio,  El Delegáu Dios en La Ciudá de Cuentu y el doble del Comisariu Villarejo (un antiguu Presidente del País que tuvo que dimitir porque lu engañaron unos revistíos de moros)  col que fixera una bona amistá, la Curuxa coló esnalando y enxamás se supo d'ella. 

Primera Dama:  ¿Vas a llamar a Laponia para el trineo, los renos y los elfos y las elfas? Yo no digo nada, pero acuérdate de la cara que puso el Delegáu de Dios. No le hizo nada de gracia la forma de vestir que llevaban los elfos. Recuerda que nos dijo que invitaban al pecao. 

Don Wifredo dixo que sí, que contaba repetilo y que precisamente diba falar con Guada, la conceyala de Fiestes, Fiestines, Decoraciones y Desagospios d'Elementos Subversivos pa que fixera un casting del que saldríen la Reina y Dames d'Honor de les Fiestes de La Ciudá de Cuentu. 

Don Wifredo: Sobre la reacción del Delegao, a ver si lo camelamos con unos suspiros de esos que tu haces muy bien. Ya sabes que él mata por lo dulce. 

Don Wifredo siguía falando, cambia de tema y diz-y a la muyer: "Cuando lleguemos a casa, acuérdame que llame a Guada y a  Feng-Cha para lo de la actuación musical y la decoración del mástil de la Y",  a lo que la Primera Dama-y entrugó qué idees tenía pa la música mientres prendíen les lluces. "Yo pensé en Raphael y en Los Alaskos para que cantaran a trío esa villancico tan guapo del `Rompompompón´, ¿qué te parece?". 

A la Primera Dama gústa-y muncho Raphael, pero al pesar de que la pareya facha tien tolos parabienes, hasta del mesmu Delegáu de Dios, Los Alaskos nun-y acaben de chocar 

Primera Dama: A los Alaskos los veo poco familiares para un evento donde va haber muchas familias con niños. Yo soy más de Mocedades, aunque entiendo que ahora se llevan mal y están dos grupos con el mismo nombre y los del Consorcio. Mira Wifredo, había pensado en esos dos chicos andaluces que cantaron una vez para las familias cristianas y que dejaron claro que nunca actuarían para esos de Bildu.

Don Wifredo: No sé de quiénes me hablas.

Primera Dama: Sí, son dos chavales, uno canta y toca la guitarra y uno está más gorditín y el otro más ruino. Vilos  en el programa de Pablo Motos y parecen muy simpáticos. ¿Por cierto, para qué quieres hablar con Feng y Laura?

Don Wifredo: Es una sorpresa. Para el mes que entra van a poner en la autopista un mástil de más de 55 metros y quería hablar con ellos para ver si ponen otra bandera de España y aprovechando que son las navidades, debajo de la bandera, una estrella de oriente para que la vean desde Gijón. 

La Primera Dama alvirtió a Don Wifredo y díxo-y: Wifredo, ten cuidao con el Funcionario Repunante que parece que os tiene hinchas a Feng-Chang,  a Laura-Hwuang y a ti y os va a buscar las cosquillas. Y ya sabes que por desgracia los empleados públicos no pueden despedirse

Don Wifredo nun acababa de dase cuenta quién demontres yeren esos mocinos andaluces tan simpáticos y, ensin pensalo, mientres conducía garra'l móvil y llama a Guada, la conceyala de Fiestes, Fiestines, Decoraciones y Desagospios d'Elementos Subversivos.

Don Wifredo:   Guada, toi aquí con la muyer viniendo de Galicia y estábamos hablando de la contratación para el día del encendido y ella dizme de dos mozos andaluces, uno más gordín, que toca la guitarra, no se meten en política y para detrás ya estuvieron con Pablo Motos y creo que están en contra de la amnistía. 

 

Guada: Ah, sí. Andy y Lucas. respondió Guadas namás entrugá-y. 

Don Wifredo: Ponte en contacto con ellos, a ver si pueden venir y de paso, a ver si vos ponéis tu y la mi muyer pa eso de los decoraos en la calle, que eso ye más pa vosotras y p'acabar mírame a qué grupo folclórico asturiano traer.     

Guada: Había pensado en unos pandereteros. Me los recomendaron en el programa ese de la tele y creo que se llaman `Os Ferreiros do Pao´. 

Entrugó-y Don Wifredo qu'eso d' "Os Bombóis do Pao"-y sonaba más a gallego, a lo que Guada dixo que yeren naturales de la zona d'El Palo p'alló.

Siguía Don Wifredo falando per teléfonu cuando xusto aporten al esvíu de l'autopiesta ente La Ciudá Playa y La Ciudá de Cuentu cuando la Primera Dama decátase qu'hai caravana y qu'al fondu hai una patrulla de la Guardia Civil de Tráficu y qu'un Guardia, con cara de péu afumiáu-yos echa l'alto

Guardia Civil Bederre: Buenos días o tardes", dixo l'axente que tenía acentu de ser d'otra comunidá con un aquel un poco bederre. " Tenga la bondad de darme su permiso de conducir ¿Acaso no sabe que el hablar por el móvil mientras se conduce supone la pérdida inmediata de tres puntos del carné?. 

Don Wifredo, dándose cuenta de lo que fixo nun taba bien y con un aquel agradable intentó desplicá-y al Axente de l'Autoridá y del Tráficu Rodáu, dando por supuesto de que lu conocía díxo-y que lo sentía muncho y que taba falando con Guada, la conceyala de Fiestes, Fiestines y Decoraos Navidiegos col envís d'entamar los actos de LA CAPITAL MUNDIAL DE LA NAVIDÁ. 

Guardia Civil Bederre:  Ni Guada ni Guado, aquí el que pone el orden y conoce la calle soy yo.

Don Wifredo, yá enchipáu, volviendo al so ser y faciéndose valir espetó-y: Creo que usted no se imagina con quién está hablando.