AL ENEMIGU, CORTÁ-Y EL GRIFU

 

DEMPUÉS del ésitu del stand de La Ciudá de Cuentu na Feria del Turismu onde la Delegación vieno de vacío dempués de terminar con tol arsenal de pastes que la Primera Dama s'encargó personalmente de  facer y repartir ente los visitantes como embaxadora que yera, tocaba topase de ñarices cola realidá, nesti casu, amosando la cara más tufa. El treslláu de la Escuela de Pozos, Túneles y Galeríes diba ser una realidá en poco tiempu y tol esfuerzu y llabor diplomáticu desendolcáu pol equipu de Don Wifredo resultó galdíu. De nada valió la idea de trayer a 30 estudiantes d'Angola, a los que de xuro habría que bautizar porque "yeren infieles" y que Don Wifredo y la Primera Dama taríen dispuestos a apadrinar, eso sí,  ensin derechu a pegarata (a nun ser  que se fixera cargu la casa-conceyu o'l Principado).  Tampoco  valdríen les trenta estudiantes ukraínes, que se-yos amestaríen a los angoleños, porque'l Delegáu de Dios en La Ciudá de Cuentu  nun vía con bonos güeyos esa xuntura, al contar qu'eso podría dar pie a la promiscuidá y pa detrás, el representante veteranu y bederre de la Escuela esixía "ciertu nivel académicu" al alumnáu y duldaba que tanto los angoleños como les ukraínes lu tuvieren, anque a dicir verdaes, eso son suposiciones. Y pa qué falar de la idea d'apellar a la bondá del Presidente'l País, Dorián Buelga onde se-y pidía apadrinar a trés o cuatro angoleños con derechu a pegarata y "enramá" pa cuándo se casaren y tamién ,de los encamientos del representante bederre de La Escuela aporfiando que taba avezáu a quitar les zapatiyes y la bata y plantase na escuela, y que lo de tener que poner escuela n'El Barreru suponía que nun diba ser a ello porque yá nun tenía edá pa garrar un coche y pa detrás nun sabría cómo aportar aende.

Don Wifredo, que yera un paisanu de recursos, tenía una baza , que nun yera otra que la d'aprovechar la bona relación que tenía col Presidente'l País, Don Dorián Buelga. 

-  "Hola Dorián, soy Wifredo. ¿Tu que puedes, no habría manera de parar lo del traslado de la Escuela de Túneles, Pozos y Galeríes?"

- "A ver Wifredo, no puedo. La Escuela es un ente público y autónomo y como tal, no puedo intervenir en esto. "

- ¿No puedes o no quieres?, respondió Wifredo un migayín enchipáu porque,  tantos años siendo Dueñu y Presidente de L'Atalaya, nun taba avezáu a que-y dixeren que non, por mui Presidente que fuera'l que taba al otru llau la llinia

- "No puedo, Wifredo, en serio", dixo Dorián cómo si-y tuviera miéu y nun tono conciliador que rayaba lo gorrumbo. 

- "¿Y si-y cortares el grifu al Magníficu de la Ciencia y el Conocimientu y a su chiringuito?". Don Wifredo yá tenía la solución al problema. "Es lo mismo que les haría yo a los catalanes, les pondría un muro y el platu boca abajo, ya verían si querían ser independientes o no"

- "No, no, Wifredo" repetía Dorián un poco asustáu mientres Don Wifredo colgaba, dexándolu cola palabra na boca.

HAI que pasar a l'acción y enriba la mesa ta l'entamar una MANIFESTACIÓN, con llectura de manifiestu pa pasar a una xornada folixero-reivindicativa con actuaciones musicales qu'enganchen a la mocedá universitario y, como non, tamién a los vecinos de La Ciudá de Cuentu. 

Guada, Conceyala encargada de Fiestes, Desfiles, Desagospios, Lluces y Cabalgates; Don Wifredo y el Sr Pindio, númberu dos de la corporación, planificaben per ónde tenía que dir la manifestación: salía de la Escuela de Túneles, Pozos y Galeríes pa rematar na Plaza'l Trapolexu.

- "Vamos a parecer gente de Las Cuencas, que son unos revoltosos y se manifiestan por todo", dixo la Primera Dama poco convencida de querer ponese tres un baberu. 

- "No, mujer. Yo también pensaba como tu", dixo' Delegáu de Dios, con esi soniquete qu'emplega como si tuviera en La Santa Cavierna'l día 8 setiembre "pero cuando el desgobierno de Zapatero asistí a un par de manifestaciones con mi buen amigo Monseñor Rouco-Varela, al que estuve atechando con un paraguas del sol que hacía. Te aseguro que eramos todos gente de orden y hasta había un socialista, Pepe Bono, por cierto, muy buen paisano, al que le dieron una colleja"

- "Ya se lo digo yo", contestó Don Wifredo. "Las manifestaciones son de todo, unas más legítimas que otras. No es lo mismo una de mineros, que vienen de La Cuenca a invadir La Ciudá de Cuentu, que por otro lado, está bien que se manifiesten, pero en su casa, que otra por una cuestión justa, que como ciudadanos cuentistes que somos, nos afecta directamente"

 La manifestación diba rematar na Plaza'l Trapolexu y darréu la manifestación sonaríen los compases del Himnu d'España pa llueu lleer un manifiestu a la contra'l treslláu. Don Wifredo, como nun podía ser d'otra manera, yá pensara en quién podía lleelu: Toñín Chaquetía

- "La verdad, que a Tonín Chaquetía no le veo", dixo'l Sr. Pindio mentanto taba poniéndose escolloríu  "Ese tiene más colores que los bancos que usted mandó quitar, Don Wifredo". 

- "Pues el otro día le vi dando un monólogo y me pareció muy simpático y agradable. Le veo muy versátil y  muy preparado", sentenció Don Wifredo. "Además en la lectura del manifiestu guapamente puede metese con los del bable y con la forma de vestir de Dorián Buelga"

- "Más que versátil, diría un poco chaquetero", contestó Pindio.

- "Ay, Pindio, Pindio, nun me fastidies, ho" dixo Don Wifredo camudando'l rexistru pa paecer más yanu "¿Y tu, qué? Como te me pongas repunante, envede ir conmigo de númeru dos, vas dir en la lista de los Cítricos Maurientos, y a ver si sales"

D'esta manera acabóse la discusión y Tonín Chaquetía diba facer la llectura del manifiestu del "NON AL TRESLLÁU DE LA ESCUELA"

Depués del manifiestu habría delles actuaciones musicales y la primera d'elles sería la Tuna de la Universidá de La Ciudá de Cuentu. Pa Don Wifredo, los tunos representen l'espíritu tresgresor y rebelde de la mocedá al empar que son guardianes de los valores y principios eternos que deben rexir na institución académica del sieglu XXI. Darréu d'ello pensaron n'otres actuaciones qu'engancharen a la chavalería.

- "Si por mi fuera, me gustaría traer a MOCEDADES", saltó la primera Dama. 

- "No me parece a mi que atraigan a mucho público joven, y para detrás, según tengo entendido están mata a mata entre ellos. Vamos, peor que los de NÓS-ASTURIES", contestó Don Wifredo un poco desentonáu. "Yo eso de la música os lo dejo a vosotros, a Guada, aunque si queréis podemos llamar a mi hijo que está en `Españoles por el Mundo´ y podría darnos alguna idea", siguió falando Don Wifredo

La Primera Dama alcordóse qu'a los neños gustáben-yos muncho "Los Hombres G" y qu'una vez los llevó a velos tocar a la Plaza la Catedral, pero que nun llegaron a tocar porque "unos gamberros les tiraron botellas".  

- "Hombres G siguen en activo y por cierto, me gustan mucho", dixo'l Sr. Pindio, "pero me temo que los cincuenta ya no los cumplen y igual el mensaje alguna de las letras son políticamente poco correctas" siguió diciendo Pindio refiriéndose a "voy a vengarme de ese marica y lo de devuélveme a mi chica" "porque ya se sabe que esos del Tridente están al quite"

Guada, la conceyala encargada de Fiestes, Desfiles, Desagospios, Lluces y Cabalgates, tenía na axenda dos propuestes, que según ella si puen atrayer a la xente mozo y pa detrás son "de los nuestros". Depués de la Tuna Universitaria diben actuar TABURETE  y pa zarrar dalgo un poco más rompedor, como podíen ser LOS ALASKOS.

- "¿Ay, pero esos no serán demasiado rompedores?", quexábase la Primera Dama al referise a LOS ALASKOS "yá ves cómo van vestidos. Bueno, a ella ya estoy más acostumbrada a verla, pero a él, con esa chaqueta de leopardo... Y eso que los escucho a veces  con Federico en la radio". 

- "No, aunque los veas vestir de esas trazas, son de los nuestros, te lo digo yo", dixo'l Delegáu de Dios. "Me contó Monseñor Rouco-Varela,  que se tratan con su hermano  gemelo y menudas discusiones tienen a cuenta de la política". 

- "¿Y quién es el hermano de Rouco-Varela?" volvió a entrugar la Primera Dama.

-  "Ya te lo dije, mujer", respondió-y Wifredo "Es un balarrasa, es Paquito Clavel". 

Y yá a puntu rematar la reunión y colar, el conceyal De la Quinta, representante d'HOSTELERÍA MIAGONA D'ASTURIES, S.A. entruga si nun va haber serviciu de chigre na Plaza'l Trapolexu pa facer más llevaderos los conciertos, a lo que D. Wifredo respuende que nun fai falta andar pisando güevos, 

- "Hablo esta tarde col señor Al-Mierda y ya os arregláis", dixo Don Wifredo.

Como otres veces, taba'l  funcionariu de carrera qu'alvierte de la duldosa llegalidá de contratar directamente'l serviciu de chigre, que lo normal sería sacalo a concursu. 

- "Yo soy el presentador y director del concurso, así que el ganador es quién a mi me dea la gana" remató Don Wifredo too enchipáu