UN VIAXE A MADRID, UNES COLOMINES GALLEGUES Y UN PROGRAMA NA TELE

 Una Ciudá de Cuentu del Sieglu XXI

Don Wifredo y la Primera Dama tendríen qu’esparramar tola loxística diplomática xunto al  Presidente’l País pa negociar el futuru del tarrén de La Llera  y asina mirar cómo reparten el pastel ente los trés, ello ye, ente La Ciudá de Cuentu, El País y L’Estáu. Yera un sitiu mui golosu y a falta un añu pa rematar el mandatu, y pendiente de que’l Narcodéu Incorruptu del Sr. Freixolo señale a Don Wifredo pa siguir gobernando La Ciudá de Cuentu otros cuatro años, ye menester facer méritos, porque nestos trés años quitando  les Navidaes, onde enllenó de lluces, árboles y figurones La Ciudá de Cuentu ;  el Trapolexu y regala-yos la Fiesta a HOSTELERÍA MIAGONA D’ASTURIES,  poca cosa se fixo, y si falamos d’obra, más bien nada, y yá se sabe, el Narcodéu del Sr Freixolo pa qu’ apunte directamente a la persona de Don Wifredo, pide munches obres, cementu armao y dalgún qu’otru premiu estra.  Hai que da-y de ganar y favorecer a la familia, qu’a fin de cuentes, ye la que ta ehí nos momentos más duros.

La Primera Dama, más esmolecida pol llabor diplomáticu y de protocolu, taba pensando en qué llevá-y a la Ministra o al home d’ella.    Nun sabía si llevar los regalos de protocolu de tola vida: berlineses y negrillones, o mingufles y ratufles, anque bien llueu  descartó esto último por entender que la crema pastelero diba ponese malo nel viaxe con estos calores. Igual hasta se remangaba un poco y facía esos suspiros que tan bien-y salen  gracies a la receta d’aquella señorina que teníen en casa y que “hablaba el bable, pero el bable de verdad, el auténtico, no eso de la llingua”

“Wifredo, taba pensando que podía llevar unos suspiros para la Ministra y su marido y había pensado que’l Presidente  podía mandarle a su esposa que hiciese unos  `bartuelos´, típicos de su pueblo”, díxo-y a Don Wifredo con un aquel de querer llevalo too atao y añudao, y de pasu, caciplar un poco l’axenda del Presidente . “Mujer”, contestó-y Don Wifredo “Dorián, que yo sepa, está soltero” “¿Y no tiene novia?”, retrucó la Primera Dama con un aquel importosu “No lo sé” volvió a retruca-y Don Wifredo. “Ya no es un neno, aunque bueno, ahora es más moderno ser todos  amigos”, siguía falando La Primera Dama como si tuviera faciendo un monólogu. Don Wifredo dexóla siguir a lo d’ella y nun-y contestó. “Por cierto, Wifredo. ¿Viene Teresa de Mattel? Era para decirle que prepare unas casadiellas o el postre ese de migas de pan de su zona” “Teresa no viene, no pinta nada en Madrid, y además buena está para hacer casadiellas a nadie” respondió Don Wifredo nel tonu secu qu’avezaba cuando atendía na oficina a un cliente con corte prubín. 

Yá volvieron de Madrid y, ensin problema nengún,  fueron quién a repartir ente los trés la tarta de La Llera, agora tocaba qué facer dientro d’esos terrenos tan prestosos, y de pasu, facer caxa. Eso sí, Don Wifredo sabía que fixera lo que fixera, los del antiguu Tridente diben tar al quite pa oponese por sistema a les idees de progresu pa La Ciudá de Cuentu “Lo único que quieren es llenar la Ciudá de Cuentu de Colominas”, pensaba pa sí Don Wifredo cuándo de secultre prendióse-y una bombillina na cabeza y darréu d'ello llamó al Sr. Pindio.

Aconceyó col Sr Pindio, conceyal d’urbanismu y col Sr De la Quinta, conceyal d’Hostelería, Turismu, Feries y Congresos.  “Aprovechando qu’estos Comunistas de NÓS están contra todo y solo quieren Colominas para menesterosos, había pensado en hacer colominas, pero colominas gallegas”. “¿Colominas gallegas?” repitió’l Sr. Pindio con cara plasmu mentanto ‘l Sr. De la Quinta nun sabía qué facía aende.  “Puedes esplicate mejor, Wifredo”

“A ver, tiempo, lo que se dice tiempo no hay para hacer nada, pero  al menos proyectar unas viviendas con forma de hórreo gallego y en el solhorro de cada vivienda….” “Un momento”, cortólu’l Sr Pindio “¿Qué es el solhorro? Parece que el haber pasado unos días con el Presidente Buelga te has vuelto bablista”, dixo’l Señor Pindio un poco satirosu. “Solhorro no es bable, es como se llama de toda la vida a la parte que está debajo del hórreo”, respondió Don Wifredo con un aquel desentonáu “Déjame terminar, Pindio”, dixo Don Wifredo al empar que-yos quería siguir desplicando los planes de futuru de La Llera y d’iguar el tema de vivienda con Colomines Gallegues. “¿Y yo qué pinto aquí?”, espetó De la Quinta.  “A ver, si no me dejáis explicarme, no avanzamos nada. Parecéis más de la oposición que del Equipu Gobiernu, retrucó-y Don Wifredo.

Callaron toos y asina Don Wifredo pudo siguir desplicando los planes de vivienda pa La Llera. “Bueno, había pensado valtar los viejos chalets y en su lugar poner viviendas con forma de hórreos gallegos, y como decía antes, en el solhorro de cada edificación tenía pensado hablar con Al-Mierda para cederle ese espacio a los hosteleros para que hagan allí terracinas, con posibilidad de recubrirlas por el invierno y para trabajar, se podía hacer un convenio con el Ministerio de Justicia, para que condenados por faltas trabajaran gratis para los socios de HOSTELERÍA MIAGONA D’ASTURIES”

El Sr. De la Quinta, tamién miembro d’HOSTELERÍA MIAGONA D’ASTURIES taba faciéndose-y la boca agua cola propuesta y entrugó que pa cuándo, que lo más seguro ye que nun diera tiempu porque faltaben  10 meses pa terminar el mandatu y enantes d’entrar en campaña, nun se podía inaugurar nada, porque los mal tomaos del Tridente diben tar al quite de tolo que se fixera. “A ver, De la Quinta, dar, no da tiempo a nada, pero sí a que nos hagan una recreación en un ordenador, hacer una rueda de prensa a los medios de comunicación, y como no, una ceremonia de colocación de la primera piedra”

A Pindio y a De la Quinta paeció-yos bien la propuesta mentanto taben clisaos mirando pa Don Wifredo que siguía desplicando cómo diba ser eso de la colocación de la primera piedra. 

“Estaba pensando en hacer una gala tipo pa tresmitir na Tele tipo `Murcia, qué hermosa eres´, pero llamándola `Ciudá de Cuentu, qué guapina yes´. Con eso me quito ese sambenito de estar contra el bable y además, esas cosas son las que le gustan al Sr. Freixolo, al que voy invitar personalmente al acto. En todo el acto estarán unas azafatas, que además, estará un jurado cualificado que, entre ellas, escogerá a las futuras Reinas y Damas de Honor de Las Fiestas. No faltarán las gaitas de La Ciudá de Cuentu y, como guiño a Freixolo, traeremos a Juan Pardo y a Os Apabardeixos;  también a algún grupo regional de aquí, ya le digo a  la Presidenta de las Fiestas que me busque a alguno; a Norma Duval o a Bárbara Rey; a Mari Carmen y sus muñecos; a Marta Sánchez y a Taburete pa la juventú; a Bertín Osborne, que si no lu llamo mátame la muyer y para rellenar, a alguien de canción asturiana, pero no a la concejala esa que decapitó esa del Tridente de la Marcha Radetzky. Asturianía, la que se quiera, pero política, no"

Don Wifredo siguía y siguía falando  , cuando d’esmenu, la Primera Dama diz-y a Don Wifredo “Wifredo, despierta. Te dormiste en el hombro del Presidente y se lo has dejado entero babado. Estamos llegando a Madrid, acabamos de aterrizar”